TE EA I TE PAE TINO
A haapa‘o i te Ture no te Parau Paari. A amu i te maaa maitai, a faaetaeta tamau i te tino, e ia nava’i te taoto. Eiaha e faaohipa i te mau raau taero, te ava, te taofe, te ti, aore râ te mau avaava. Eiaha e faaohipa rahi i te mau parau raau a te taote aore râ te mau raau rapaau e hoo noa hia ra.
E tauturu te tape‘a-maitai-raa i to outou tino ia outou ia faaruru i te mau titauraa u‘ana o te oraraa. Ia haapa‘o ana‘e outou i te Ture no te Parau Paari, ua fafau mai to tatou Metua i te Ao ra ia tatou i te mau haamaitairaa faahiahia:
« E te feia mo‘a atoa o te haamana‘o i te haapa‘o e i te rave i teie mau parau nei, ma te taahiraa i roto i te haapa‘o maitai i te mau faaueraa, e maitai te noaa i to ratou pito e e puohia to ratou mau ivi:
« E e itea hoi ia ratou te paari e te mau tao‘a rahi no te ite, oia te mau tao‘a rahi i hunahia ra;
« E e horo hoi e e ore roa e rohirohi, e haere e e ore roa e mata pouirihia.
« E te horo‘a’tu nei au, o te Fatu, i te hoe fafauraa ia ratou ra, e fariu ê atu te melahi o te pohe ia ratou ra, mai tei te mau tamarii o Iseraela ra, e e ore roa hoi e taparahi ia ratou ra » (PH&PF 89:18-21).