Ua parau te Peresideniraa Matamua e te Pŭpŭ no te Tino Ahuru ma Piti Aposetolo : « E mea papû a‘e te oaoa i roto i te oraraa utuafare ia faatumuhia te reira i ni‘a i te mau haapiiraa a te Fatu ra ia Iesu Mesia. Te mau faaipoiporaa e te mau utuafare tei hau i te manuia, ua faatumuhia ïa e ua haamauhia i ni‘a i te parau tumu no te faaroo, te pure, te tatarahapa, te faaoreraa hara, te faatura, te here, te aroha, te ohipa, e te mau faaoaoaraa maitai ».¹

Ua riro teie nei mau parau mau ohie, tei niuhia i ni‘a i te opuaraa no te oaoa a to tatou Metua i te Ao ra, ei maereraa i te tahi taime no to te ao nei. Ua faaite mai râ te tahi titorotororaa api e te iteahia nei i te mau taurearea i rapae au i te Ekalesia te oaoa i roto i te oraraa varua e i roto i to ratou ra mau auraa utuafare. I te matahiti 2007 ua titorotoro e piti na Taiete Ve‘a no te Fenua Marite i te mana‘o o te feia apî mai te faito matahiti 12 e tae atu i te 24 no te imi eaha râ te mea e faaoaoa nei ia ratou.

Ua faaite mai teie titorotororaa i teie nei mau mea:

• Te « ti‘aturi nei te feia apî i ni‘a i te mau metua ei tumu faufaa rahi no te oraraa paruruhia e no te oaoa ».

• « E maimi rahi ïa te feia apî i te aoa na roto i te oraraa varua e te faaroo ».

• « E rahi noa’tura te anaanatae i rotopu i te feia apî no te mau faanahoraa tumu o te utuafare ».

• Te parau nei te hoê parau puohuraa i roto i teie nei titorotororaa, « noa’tu e ua faaite mai ta matou nei titorotororaa matamua e mea anaanatae a‘e te u‘i apî no teie nei tau i te mau peu tumu tahito i te mau u‘i na mua’tu, ua maere râ matou i te iteraa i te anaanatae rahi e ti‘a’ihia ra e te feia apî no to ratou iho faaipoiporaa e to ratou iho mau utuafare ma te oaoa rahi ».²