E mea au a‘e na‘u ia haamaitaihia vau !

I Guyana, te hoê fenua i te tufaa apatoerau no Amerika Apatoa, te paraparau ra te feia apî Feia Mo‘a i te mau Mahana Hopea nei no ni‘a i te mau tufaa ahuru e te mau ô.

Ua parau o Simeon Lovell, 14 matahiti, i roto i te hoê haapiiraa evanelia i te fare pureraa no Prashad Nagar i Georgetown « e mea maitai a‘e na‘u ia haamaitaihia vau » Ua tai‘o iho nei te piha haapiiraa ia Malaki 3:8-2, o te faaara ra e e faautu‘ahia te feia e eiâ i te Atua no te aufau oreraa i te tufaa ahuru e te fafau ra i te mau haamaitairaa rahi roa, e ore e noaa i te tai‘o, i te feia o tei aufau i te tufaa ahuru.

« A hi‘o na i te mau mea atoa tei fafauhia » te na ô maira te piahi Xiann Kippins, 16 matahiti. « E e paruruhia outou. E e ruperupe ïa outou. E iritihia mai ïa ia outou te mau haamaramarama o te ra‘i ».

Ua parau o Clint Callender, 17 matahiti, no te amaa piti no Garden Park (i Georgetown atoa), « te mau mea atoa i ni‘a i te fenua no ô mai ïa i to tatou Metua i te Ao ra. Te ani nei oia ia tatou ia faaho‘i atu i te hoê noa tufaa iti, no te tauturu ia tatou i te faaite i to tatou aau mehara. No reira te oaoa nei au i te aufau i te tufaa ahuru. Te oaoa nei au i te haapae i te maa e hoê taime i te ava‘e e ia horo‘a no te atuatu i te feia vêvê. E ia hi‘o ana‘e vau i te mau mea atoa ta te Ekalesia e rave nei i ia tupu ana‘e te hoê miti faaî, te mata‘i rorofa‘i, aore râ te tahi atu ati – te taatoaraa o te ahu e te maaa tei horo‘ahia e te Ekalesia – na te reira e faaoaoa ia‘u ia feruri e e nehenehe ia‘u ia riro ei tufaa no taua mea ra na roto i te aufauraa i ta‘u mau ô ».

I te tahi atu vahi, i te Misioni no West Indies, ua haamaramarama o Curfew Ali, 17 matahiti no te amaa no Arima i Port of Spain, Trinidad, ia Mark Mangray, 17 atoa matahiti, e noa’tu e mea iti ta’na moni e noaa nei, te aufau nei râ oia e 10 i ni‘a i te hanere no ta’na moni api ei tufaa ahuru e te aufau atoa nei oia i te moni haapaeraa maa. Te na ô ra oia e « Na roto i teie nei raveraa, ua ite au e e nehenehe i te Fatu ia haamaitai mai ia‘u ». Ua parau oia ia Mark no ni‘a i te farereiraa no faafaroraa i te tufaa ahuru e to’na oaoa rahi ia nehenehe ia’na ia faaite e ua aufau oia i te hoê tufaa ahuru ti‘a.

Ua hi‘o o Mark i te hoê api horo‘araa tei ore i papa‘ihia, ua tai‘o i te reira, e ua parau, « Oia mau roa, Curfey. E afa‘i mai au i ta‘u tufaa ahuru i te fare pureraa ananahi ».