2008
Te vehi rimarima no te iteraa papû
Atopa 2007

Te vehi rimarima no te iteraa papû

Ua oomo ra anei outou i te mau vehi rimarima ? E paruru te tahi vehi mau rimarima i to outou rima a rave ai outou i te ohipa. Te tahi atu mau vehi rimarima e tamahanahana ïa i to outou rima. E oomohia te tahi mau vehi rimarima no te ohipa tuaro. No teie faaiteiteraa e nehenehe ta outou e hamani i to outou iho « vehi rimarima no te iteraa papû » no te tauturu ia outou ia hamanao e pae tufaa no to outou iteraa papû.

Te hoê iteraa papû e iteraa pae varua ïa no te parau mau o te evanelia tei horo‘ahia ia tatou e te Varua Maitai. Te vai nei te mau tufaa faufaa roa i roto i te hoê iteraa papû. Mai te mea te vai ra to outou hinaaro ia ti‘aturi i taua mau mea ra, e tupu ïa to outou ti‘aturiraa i roto i te iteraa e e mea mau te reira mau mea.

TO‘U ITERAA PAPÛ

  1. Ua ite au e te Atua o to tatou ïa Metua i te Ao ra e te here nei Oia ia tatou.

  2. Ua ite au e Ta’na Tama‘iti, o Iesu Mesia, o to tatou ïa Faaora e Taraehara.

  3. Ua ite au e o Iosepha Semita e peropheta oia na te Atua. Ua faaho‘i mai oia i te evanelia a Iesu Mesia i te fenua nei e ua iriti oia i te buka a Moromona na roto i te mana o te Atua.

  4. Ua ite au e te Ekalesia a Iesu Mesia i te Feia Mo‘a i te Mau Mahana Hopea Nei te Ekalesia ïa a te Fatu i ni‘a i te fenua nei i teie mahana.

  5. Ua ite au e te arata‘i hia nei teie Ekalesia na te hoê peropheta ora o te farii i te heheuraa.

Mau arata‘iraa : A rave i te hoê rimarima uouo. A tapu te mau hoho‘a i ni‘a i teie api, e a tapiri i ni‘a i te hoê api parau paari. A tuu te rimarima i ni‘a iho. A faaite ai outou i te mau tufaa e pae o te hoê iteraa papû, te tahi i muri i te tahi, a tamau te hoho‘a i ni‘a i te hoê manimani rima, ma te haamata na te manimani rahi. E nehenehe ta outou e tamau atu i te hoho‘a i ni‘a i te manimani rima ma te faaohipa i te Velcro, te tapiri, te parau tapiri, te pine aore râ te taura.

A faatupu ai outou i to outou iteraa papû, eiaha e mata‘u ia faaite i te reira. A faaite ai outou i to outou iteraa papû, e nehenehe ta outou e faaohipa i te mau irava parau mai teie te huru « te faaite papû nei au e…». aore râ « ua ite au e… ». E tupu to outou iteraa papû i te puai ia faaite ana‘e outou i te reira ia vetahi ê.

  • E nehenehe teie faaiteitera ia faatanohia ia au i te mau huru. Aita e titauhia te rimarima uouo. Mai te mea e aita e rimarima, e nehenehe ta outou e hamani i te rimarima papier aore râ ia tamau atu te mau hoho‘a i ni‘a i to outou rimarima ma te faaohipa i te parau tapiri.