2 Timoty 3:16–17

Sary

Loholona Robert D. Hales

“Rehefa te-hiresaka amin’ Andriamanitra isika dia mivavaka. Ary rehefa tiantsika hiresaka amintsika Izy dia mandalina ny soratra masina isika, satria ny teniny dia nolazainy tamin’ ny alalan’ ireo mpaminaniny. Ary hampianatra antsika Izy rehefa mihaino ny bitsiky ny Fanahy Masina isika.

“Raha toa ka tsy nandre ny Feony ianao tato ho ato dia miverena aty am-piangonana ary mamerena mamaky soratra masina indray. Izy ireo no miaro ny fiainam-panahintsika.”

Sary

Filoha Boyd K. Packer

“Ny fotopampianarana marina rehefa takatra dia manova ny toetra sy ny fitondran-tena. Hanatsara haingana kokoa ny fitondran-tenanao ny fandalinana ny fotopampianaran’ ny filazantsara noho ny fandalinana ny momba ny fitondran-tena mba ho entina hanatsarana ny fitondran-tena.”

Fanitsiana—mibedy, manafay, mandatsa na manitsy matetika amin’ny fomba feno hatsaram-panahy.

Ilay teny grika fototra nampiasaina tamin’ ny nanoratana ny Baiboly raha ara-bakiteny dia midika hoe “mampijoro ho mahitsy tsara indray.” Raha izany ny soratra masina dia manampy anao handeha amin’ ny lala-mahitsy sy hanaraka ilay lalana etỳ sy tery (jereo ny 2 Nefia 9:41).

Vonona tsara—mazoto hirotsaka hanao zavatra.

Inona avy ireo karazan’ asa tsara tokony hataonao ka anampian’ ny soratra masina anao? Ireto ny sasantsasany amin’ ireo izay tena mora hita. Afaka mahita hafa koa ve ianao? Soraty ao anatin’ ny diarinao ny momba izany.

• Mitory ny filazantsara amin’ ny fotoana maharitra

• Manatanteraka ny antso ato am-piangonana (toy ny fiadidian’ ny kôlejy na kilasy)

• Mampianatra ny filazantsara

• Mijoro ho vavolombelona

• Mizara ny filazantsara

• Mamaly ireo fanontanian’ ny namana mikasika ny Fiangonana