29. Atene
Mufananidzo uyu unoratidza matongo ePatenoni muAtene. Atene raive guta guru repasichigare rechiGiriki reAtika uye munguva dzemuTestamente Itsva raive mudunhu ramaRoma reAkaya. Rakatumidzwa zita iri mukukudza chimwarikadzi chemaGiriki Atena. Kuzoti munguva dzeTestamente Itsva, Atene rakange ratorasikirwa nemukurumbira nekubwinya kwaro kwakare, asi rakaramba riine zvivezwa nezvimiswa zvezvimwari nezvimwarikadzi zvakawanda, kusanganisira “mwari asingazivikanwe” (Mabasa 17:23).
Zviitiko Zvinokosha: Muapositori Pauro akashanyira guta iri akaparidza ari paChikomo cheMasi, pedyo nePatenoni (Mabasa 17:15–34). Vashumiri vaitumirwa kubva kuAtene vachienda kune dzimwe nzvimbo dzeGiriki (Ⅰ VaT. 3:1–2).