11-р бүлэг
Инос
Нэгэн өдөр Инос ойд ан хийж байлаа. Тэр эцгийнхээ сургасан зүйлсийг бодож байсан ба нүглээсээ өршөөгдөхийг хүсжээ.
Инос өвдөг сөгдөөд, Бурханд хандан залбирав. Тэр бүх л өдөржингөө залбирсан бөгөөд шөнө болоход ч залбирсаар байв.
Есүс Христэд итгэх итгэлийнхээ ачаар нүглээсээ өршөөгдсөн гэдгийг нь Бурхан Иност хэлсэн.
Инос дараа нь Их Эзэнээс нифайчуудыг адисалж өгөхийг хүсжээ. Тэр тэдний төлөө залбирсан бөгөөд Их Эзэн хэрэв өөрийнх нь зарлигуудыг дуулгавартай дагавал тэднийг адислах болно гэж хэлэв.
Инос мөн Их Эзэнээс леменчүүдийг адисалж өгөхийг хүсжээ. Тэр асар их итгэлтэйгээр залбирсан ба Их Эзэн Иносын хүслийн дагуу үйлдэнэ гэж амласан.
Леменчүүд нифайчуудтай тулалдаж, тэдний цэдгүүдийг устгахыг оролдож байсан ч Инос тэднийг зөв шударга ард түмэн болоосой хэмээн залбирч байлаа.
Инос өөрийн хадгалж байсан цэдгүүдийн аюулгүй байдлын төлөө залбирав. Их Эзэн цэдгүүд дээр байгаа сургаалыг хэзээ нэгэн өдөр леменчүүдэд өгөхөө амлажээ.
Инос нифайчуудад номложээ. Тэр тэднээс Бурханд итгэж, зарлигуудыг дагахыг хүсэж байв.
Нифайчууд леменчүүдэд сайн мэдээнээс заахыг хичээсэн ч тэд сонссонгүй. Леменчүүд нифайчуудыг үзэн яддаг байв.
Ард түмэндээ Есүсийн тухай мөн сайн мэдээний тухай заах ажилд Инос амьдралаа зориулжээ. Тэр бүх л амьдралынхаа турш Бурханд үйлчлэн, түүнийг хайрлав.