53-р бүлэг
Моронай ба түүний заасан сургаалууд
Мормоныг нас барсны дараа Моронай ганцаараа үлдэв. Тэр эцгийнхээ өгсөн цэдгүүдийг дуусгасан.
Моронай алтан ялтаснуудыг хэзээ нэг өдөр газар доороос гаргаж авна гэдгийг мэдэж байлаа.
Алтан ялтаснууд дээрх үгс Есүс Христийн тухай өгүүлдэг. Тэдгээр нь гэрчлэлийг агуулж, хүмүүст хэрхэн зөв шударга амьдрахыг заадаг.
Ёс бус леменчүүд Есүс Христийг үгүйсгээгүй нифай хүн болгоныг алсан.
Моронай хэзээ ч Есүс Христийг үгүйсгээгүй. Тэр леменчүүдээс нуугдан, нэг газраас нөгөө рүү нүүж байв.
Моронай алтан ялтаснууд дээр олон зүйлийг бичсэн бөгөөд ялангуяа хожмын өдрүүдэд амьдрах леменчүүдэд зориулан бичжээ.
Тэр ариун ёслолын залбирлыг оролцуулан, олон чухал зүйлийн талаар бичсэн.
Нүглээ сайн дураараа наманчилж, Есүс Христэд үйлчлэх хүсэлтэй хүмүүс л баптисм хүртэж болно гэж Моронай бичжээ.
Моронай бүх хүнийг Есүс Христэд итгэж, түүнийг таньж мэдээсэй гэж хүсэж байлаа. Тэр сайн зүйл болгон Христээс ирдэг гэж хэлсэн.
Хэрэв хүмүүс Бурханыг хайрлаж, Түүнийг дагавал төгс төгөлдөр болж чадна гэж Моронай бичсэн.
Моронай нас барсныхаа дараа амилуулагдаж, Тэнгэрлэг Эцэг, Есүс Христ хоёртой хамт амьдрах болно гэдгээ мэдэж байлаа.