44-р бүлэг
Есүс Христ хүүхдүүдийг адисалсан нь
Есүс Христ нифайчуудад балчир хүүхдүүдээ над дээр авчир хэмээн хэлэв. Хүүхдүүд Есүсийн хажууд газраар сууцгаасан.
Аврагч хүмүүст өвдөг сөгд гэж хэлэв. Дараа нь тэр өөрөө өвдөг сөгдөн, Тэнгэрлэг Эцэгт хандан залбирав.
Аврагчийн залбирал дүрслэн бичихийн аргагүй маш гайхамшигтай байлаа. Энэ нь нифайчуудыг баяр баяслаар дүүргэв.
Залбирсныхаа дараа Есүс нифайчуудад итгэлийнхээ ачаар адислагдах болно гэж хэлэв.
Тэрээр маш их хайр, баяр баяслыг мэдэрсэн тул уйлав.
Дараа нь тэр хүүхдүүдийг нэг нэгээр нь авч адислав. Тэр Тэнгэрлэг Эцэгт хандан тэдний төлөө залбираад, дахин уйлсан.
Есүс нифайчуудад хүүхдүүд рүүгээ хар гэж хэлэв.
Хүмүүсийг харж байхад тэнгэр элчүүд тэнгэрээс бууж ирэн, хүүхдүүдийг хүрээлэв. Хүүхдүүд болон тэнгэр элчүүд галаар хүрээлүүлсэн байв.