3-р бүлэг
Лихай Иерусалимаас явсан нь
Лихайн гэр бүл хоол хүнс, майхнаа зэхэв. Тэд байшин, алт, мөнгөө орхин, аглаг буйд руу аялав.
Лихай, Сариа хоёр дөрвөн хүүтэй байлаа. Тэднийг Лемен, Лемүел, Сам, Нифай гэдэг байв.
Лихайн гэр бүл гурван өдөр аялсныхаа дараа голын ойролцоо хөндийд буудаллав.
Лихай чулуугаар тахилын ширээ барьж, Бурханд өргөл өргөв. Тэр Бурханд гэр бүлийг нь сүйрлээс аварсанд талархлаа илэрхийллээ.
Лихай голыг Лемен, хөндийг Лемүел гэж нэрлэв. Лихай хөвгүүдээ гол, хөндийн адил Бурханы зүг тасралтгүй урсаж, зарлигуудыг гуйвшгүй биелүүлж байгаасай гэж хүсэж байлаа.
Лемен, Лемүел хоёр Иерусалимыг болон эд баялгаа орхиж явсан эцгийгээ тэнэг гэж бодож байв. Тэд Иерусалим сүйрнэ гэдэгт итгэхгүй байлаа.
Нифай Лихайн үзсэн зүйлүүдийг ойлгохыг хүсэж байв. Тэрээр эцэг нь Иерусалимыг орхиж явснаар зөв зүйл хийсэн эсэхийг мэдэхийн тулд залбирлаа.
Есүс Христ Нифай дээр ирж, Лихайн үг үнэн байсан гэдгийг хэлжээ. Нифай үүнд итгэж, Лемен, Лемүел хоёрын адил эсэргүүцсэнгүй.
Нифай Есүсийн юу гэж хэлснийг ах нартаа ярьжээ. Сам Нифайд итгэсэн ч Лемен, Лемүел хоёр итгэсэнгүй.
Их Эзэн Нифайд итгэлийнхээ улмаас адислагдах бөгөөд ах нарынхаа удирдагч болно гэж амлажээ.