8-р бүлэг
Далайг гаталсан нь
Их Эзэн барьсан усан онгоцон дээрээ гэр бүлийнхнээ гарга гэж Лихайд хэлэв. Тэд усан онгоцондоо жимс, мах, зөгийн бал, амлагдсан нутагт очоод тарих үр зэргийг ачсан.
Хүчтэй салхи үлээж, усан онгоцыг амлагдсан нутаг тийш тууж байв.
Лемен, Лемүел болон бусад зарим нь ёс бус болж эхлэв. Нифайг тэдэнд үүнийгээ боль гэж хэлэхэд тэд уурлаж, түүнийг олсоор хүлсэн.
Тэдний ёс бус байдлаас болж Лиахона ажиллахаа болив. Тэд усан онгоцоо аль зүгт залахаа мэдэхгүй байлаа. Аймшигт шуурга усан онгоцыг гурван хоногийн турш буцааж туув.
Лихай Лемен, Лемүел хоёрт Нифайн хүлээсийг тайл гэж хэлсэн ч тэд сонссонгүй. Лихай, Сариа хоёрын сэтгэл ихэд зовсноос болж өвджээ.
Нифайн эхнэр, хүүхдүүд уйлан, Лемен, Лемүел хоёроос Нифайн хүлээсийг тайлж өгөхийг гуйсан ч тэд татгалзав.
Дөрөв дэх өдөр нь шуурга улам ширүүсэж, усан онгоц живэх гэж байв.
Бурхан уг шуургыг илгээсэн гэдгийг Лемен, Лемүел хоёр мэдэж байсан. Тэд живэхээс айж байлаа.
Эцэст нь, Лемен, Лемүел хоёр нүглээ наманчлан, Нифайн хүлээсийг тайлав. Нифайн бугуй, шагай хүлээснээс болж хавдаж, өвдөж байсан ч тэр энэ тухай гомдоллосонгүй.
Нифайг Лиахонаг авахад тэр нь ажиллаж эхлэв. Нифайг залбирахад салхи намдаж, далай тогтуун болсон.
Нифай усан онгоцыг залж, усан онгоц амлагдсан нутаг тийш дахин хөвөв.