48-р бүлэг
Америк тив дэх амар амгалан
Есүсийг тэнгэрт буцсаны дараа шавь нар нь түүний Сүмийг газар нутаг даяар байгуулав.
Нүглээ наманчилсан хүмүүс баптисм хүртэж, Ариун Сүнсийг хүлээн авчээ.
Удалгүй бүх нифайчууд болон леменчүүд хөрвөгджээ. Тэд хэрүүл маргаангүй байсан бөгөөд бүх хүн үнэнч шударга байв.
Хэн ч баян эсвэл ядуу байсангүй. Хүмүүс бүх зүйлээ хуваалцаж байсан бөгөөд хүн бүрд хэрэгцээтэй бүх зүйл байлаа.
Шавь нар Есүс Христийн нэрээр олон гайхамшгийг үйлдэж байлаа. Тэд өвчтөнийг эдгээж, нас барагсдыг амилуулж байв.
Сүйрсэн хотуудад хүмүүс шинээр хот босгож байлаа.
Тэд Бурханы зарлигуудыг дуулгавартай дагадаг байлаа. Тэд мацаг барин залбирч, Бурханы үгийг сонсохоор ойр ойрхон цуглардаг байв.
Хүмүүс баяртай байв.
Ямар ч алуурчин, дээрэмчид, худалч хүмүүс байсангүй. Хүмүүс нифайчууд, леменчүүд гэж хуваагдалгүй бүгд нэгдмэл, Христийн хүүхдүүд байлаа.
Их Эзэн хүмүүсийг хийсэн бүх зүйлийнх нь төлөө адисалж байсан.
Тэд хоёр зуун жилийн турш амар амгалан амьдрав. Хүмүүс их баяжив.