45-р бүлэг
Есүс Христ ариун ёслол болон залбирлын талаар заасан нь
Шавь нараа эргэн ирэхэд Аврагч талхыг жижиг хэсгүүдэд хуваан, адислав. Тэр заримыг нь шавь нартаа өгч, заримыг нь хүмүүст өг гэж хэлэв.
Есүс ариун ёслолоос хүртэж байгаа хүмүүс Түүнийг мөн Түүний золиослолыг үргэлж дурсан санахаа амладаг гэж хэлжээ. Дараа нь тэд Түүний Сүнсийг хүлээн авдаг гэв.
Есүс Христ дарсыг адислан, шавь нартаа өгч, шавь нар нь дарсыг хүмүүст түгээв.
Ариун ёслолоос хүртдэг хүмүүс Түүний зарлигуудыг биелүүлнэ хэмээн амладаг гэж Есүс хэлэв.
Есүс шавь нартаа ариун ёслолоос хүртдэг, Түүнийг үргэлж дурсан санадаг хэн бүхэн Өөрийнх нь Сүнстэй хамт байх болно гэж дахин хэлэв.
Тэрээр шавь нартаа хэрэв тэд зарлигуудыг нь дагавал адислагдах болно гэж хэлсэн.
Тэрээр тэдэнд үргэлж залбирахыг мөн Өөрийнх нь залбирсны адил залбир хэмээн хэлэв.
Аврагч бүх нифайчуудад Тэнгэрлэг Эцэгт Өөрийнх нь нэрээр залбир гэж хэлжээ. Тэр мөн гэр бүлтэйгээ хамт залбир гэж тэдэнд хэлэв.
Хүмүүс ойр ойрхон хамтдаа цугларах ёстой гэж тэр хэлсэн. Тэд бусдыг цуглаандаа урьж, тэдний төлөө залбиран, тэдэнд сайн үлгэр жишээ үзүүлэх ёстой гэж хэлэв.
Аврагч шавь нартаа Ариун Сүнсийг өгөх хүч чадлыг өгөв. Дараа нь хүмүүсийг үүл бүрхсэн учир зөвхөн шавь нар нь Есүс Христийг тэнгэр өөд явахыг харжээ.