Video nga Pasundayag: Ako Adunay Katuyoan
Ang mosunod usa ka transcript sa usa ka video nga gipakita atol sa kinatibuk-ang miting sa Young Women nga gipahigayon niadtong Marso 27, 2010.
Presidente Thomas S. Monson: “Usab, akong minahal nga batan-ong mga sister, bisan og sa kanunay aduna gayuy mga hagit sa kalibutan, daghan niadtong inyong giatubang talagsaon alang niining panahona.”1
Elaine S. Dalton, kinatibuk-ang presidente sa Young Women: “Aron mahimo mga mahiyason ug magpabilin nga mahiyason, kinahanglan gayud nga kamo matinud-anon sa balaan nga pagkatawo ug maghimo og mga sundanan sa hunahuna ug kalihokan pinasikad sa taas nga sumbanan sa moral.”2
Presidente Henry B. Eyring, Unang Magtatambag sa Unang Kapangulohan: “Ako nag-ampo sa tibuok nakong kasingkasing nga ang inyong pagtuo mohugot nga kamo anak sa mahigugmaong Dios.”3
Mary N. Cook, unang magtatambag sa kinatibuk-ang kapangulohan sa Young Women: “Kamo, akong minahal nga batan-ong mga babaye, nakahimo na og daghang maayo nga mga pagpili. Karon kamo kinahanglan nga mo-establisar og mga sumbanan sa hiyas nga mopabilin kaninyo niini nga dalan sa tibuok ninyo nga kinabuhi.”4
Presidente Dieter F. Uchtdorf, Ikaduhang Magtatambag sa Unang Kapangulohan: “Mga kaigsoonan, pagtuo ug pagsalig sa Espiritu. Sa inyong pagbuhat sa normal nga mga kahigayunan sa adlaw adlaw ninyong kinabuhi ug sa paglalang og butang sa katahum ug mapuslanon, inyong mapauswag dili lamang ang kalibutan sa inyong palibut apan usab ang inyong kalibutan.”5
Ann M. Dibb, ikaduhang magtatambag sa kinatibuk-ang kapangulohan sa Young Women: “Ang gagmay ug yano nga mga butang nga gipili ninyo karon mopadako ngadto sa dagko ug mahimayaon nga mga panalangin sa umaabot.”6
Elaine S. Dalton, kinatibuk-ang presidente sa Young Women: “Ang matarung nga batan-ong babaye makausab ba sa kalibutan? Ang tubag lanog nga ‘oo!’… Ang mga butang nga kanunay ninyong gibuhat mao ang molig-on ninyo nga mahimong pangulo ug ehemplo—kada adlaw nga pag-ampo, kada adlaw nga pagtuon sa kasulatan, kada adlaw nga pagkamasulundon, kada adlaw nga pag-alagad sa uban. Sa paghimo ninyo niining mga butanga, kamo labaw nga maduol sa Manluluwas ug labaw nga sama Kaniya.”7
Presidente Thomas S. Monson: “Akong batan-ong mga higala, pagmalig-on … Nakahibalo kamo unsay matarung ug unsay sayop, ug walay pagtakuban, bisan unsa pa ka madanihon dili makausab niana [nga kamatuoran]. Kon ang inyong gitawag nga mga higala moawhag kaninyo sa pagbuhat og bisan unsa nga sa inyong pagtuo sayop, kamo ang mobarug alang sa matarung, bisan kon kamo mobarug nga mag-inusara.”8