Elder Gerrit W. Gong
Sa Seventy
Si Elder Gerrit Walter Gong nasayud sa gahum sa pag-ampo ug ang Langitnong Amahan adunay plano alang sa Iyang mga anak. Sa dihang si Elder Gong batan-on pa, ang iyang inahan kausa seryosong nasakit. Siya nakahinumdom sa pag-ampo “sa mga pulong ug pagbati sa usa ka batang lalaki” nga siya mabuhi.
“Ang mga pag-ampo tubagon sa lain-laing pamaagi sa lain-laing panahon sa atong kinabuhi, apan nianang higayona, mapasalamaton, nga akong nabati ug nasayud nga siya mamaayo,” miingon si Elder Gong. “Wala na gayud ako magduha-duha sugod niadtong higayona nga ang Langitnong Amahan makadungog sa atong mga pag-ampo, ug sa Iyang kaugalingon nga kaalam ug paagi, motubag niini.”
Si Elder Gong sukad adto kanunay nga nakasinati sa malumong pagpakig-istorya uban sa usa ka mahigugmaong Amahan, siya miingon, sa pagminyo sa iyang asawa, pagpatubo sa pamilya, paghimo og mga desisyon sa pag-eskwela ug panginabuhi, ug pagserbisyo sa Simbahan.
Sa wala pa ang iyang call sa Unang Korum sa Seventy, si Elder Gong mialagad isip usa ka high councilor, high priests group lider, magtatambag sa kapangulohan sa Sunday School, seminary teacher, bishop, stake mission president, stake president, ug Area Seventy.
Sa propesyonal nga paagi, si Elder Gong nag-alagad isip Special Assistant ngadto sa Under Secretary sa State sa U.S. State Department ug Special Assistant ngadto sa U.S. Ambassador sa Beijing, China. Siya usab nagkupot og mga posisyon sa Center for Strategic and International Studies (CSIS) sa Washington, D.C., USA. Atol sa iyang call, siya nagtrabaho isip assistant sa presidente sa Brigham Young University nga may responsibilidad sa pagplano ug sa pagtimbang-timbang [assessment].
Si Elder Gong natawo ngadto kang Walter ug Jean Gong niadtong Disyembre 1953 ug nagtubo sa Palo Alto, California. Iyang naangkon ang bachelor’s degree gikan sa Brigham Young University sa university and Asian studies. Sa wala madugay iyang naangkon ang master’s degree ug PhD sa international relations gikan sa Oxford University, diin siya usa ka Rhodes Scholar.
Siya nag-alagad sa Taiwan Mission ug sa wala madugay nagminyo kang Susan Lindsay sa Templo sa Salt Lake niadtong Enero 1980. Ang mga Gong adunay upat ka anak nga mga lalaki.