Jean A. Stevens

Si Jean Alldredge Stevens nagtuo nga ang pagpabati sa gugma sa sayo niining kinabuhi adunay lawom nga epekto sa tanang mga bata. Ang pagsinati og gugma makatabang sa mga bata sa pagkasayud ug pagsabut sa dakong gugma nga ang Langitnog Amahan ug ang Manluluwas anaa alang kanila.

Si Sister Stevens natawo niadtong Nobyembre 1952 sa Siyudad sa Salt Lake, Utah, USA, ngadto kang Claron ug Helen Alldredge.

“Gipadako ako sa mga ginikanan nga may dakong pagtuo,” miingon si Sister Stevens. “Sila nahigugma sa Ginoo, ug sila nagtudlo sa ebanghelyo sa among panimalay. Ang akong inahan adunay talagsaon nga abilidad sa paghigugma sa mga tawo.” Siya makahinumdom sa pagbati gikan sa sayong pangidaron nga ang iyang mga ginikanan nahigugma kaniya ug ganahan kaayo sa pagserbisyo sa Ginoo.

Si Sister Stevens miestablisar nianang sama nga sumbahan uban sa iyang kaugalingong pamilya human nga nakigminyo kang Mark Stevens sa Templo sa Salt Lake niadtong Septyembre 12, 1973. Sila adunay lima ka anak.

Si Sister Stevens mobati nga mapasalamaton sa pagserbisyo sa Ginoo ug piho nga mapasalamaton alang sa oportunidad sa pagserbisyo sa mga bata sa Primary.

“Ang mga bata adunay ingon ka sensitibo sa espiritwal nga mga butang,” miingon si Sister Stevens. “Sila natawo niining kinabuhi nga may matuohong kasingkasing. Inyong mabati ang ilang diosnong kinaiya samtang sila mianhi sa yuta nga bag-ohay lang kaayong mibiya sa presensya sa Langitnong Amahan.”

Si Sister Stevens nagtuo nga ang mga lider ug magtutudlo sa Primary adunay importante nga bahin [role] sa pagtabang sa mga ginikanan sa pagtudlo sa ebanghelyo ni Jesukristo. “Ang Primary usa ka talagsaon nga dapit alang sa mga bata nga mobati og paghigugma ug alang sa mga magtutudlo ug mga lider sa pagpalig-on sa mga leksyon nga gitudlo sa panimalay,” siya miingon.

Sa wala pa gitawag sa pag-alagad isip unang magtatambag sa kinatibuk-ang kapangulohan sa Primary, si Sister Stevens mialagad sa Primary general board. Siya usab mialagad isip presidente sa Relief Society sa ward, magtatambag sa kapangulohan sa Primary sa ward, ug magtutudlo sa Gospel Doctrine. Si Sister Stevens migradwar sa University of Utah uban sa bachelor’s degree in mathematics ug sertipiko sa pagtudlo.