Kgaolo 10
Jakobe le Shereme
Pele ga Nefi a swa o ne a neela dipapetlana tse a dikwadileng go monnawe Jakobe. Jakobe e ne e le mosiami.
Nefi a bolelela Jakobe go kwala dilo tse di ka thusang batho go dumela mo go Jeso Keresete.
Nefi a neela Jakobe thata go nna moperesiti mo Kerekeng le go ruta Banefi lefoko la Modimo.
Morago ga go swa ga ga Nefi. Banefi ba nna boikepo. Jakobe o ne a ruta batho le go ba bolelela go ikwatlhaela dilo tse di maswe tse ba ne ba di dira.
Monna wa moikepi yo o bidiwang Shereme a tsamaya mo gare ga Banefi, a ba ruta gore ba se ka ba dumela mo go Jeso Keresete.
Shereme a bolelela batho gore ga go ka ke ga nna le Keresete. Batho ba le bantsi ba dumela Shereme.
Jakobe a ruta batho go dumela mo go Keresete. Shereme a batla go ganetsanya le Jakobe le go mo tlhotlheletsa gore ga go ka ke ga nna le Keresete
Tumelo ya ga Jakobe mo go Jeso Keresete e ne e sa tshikinyege. O ne a bone baengele le go utlwa lentswe la Morena. O ne a itse Jeso o tlaa tla.
Mowa o o Boitshepo o ne o na le Jakobe jaaka a ne a fa bopaki jwa ga Jeso Keresete go Shereme.
Shereme a kopa go bona tshupo. O ne a batla Jakobe a supa fa go na le Modimo. O ne a batla go bona kgakgamatso.
Jakobe a seka a kopa tshupo mo Modimong. O ne a re Shereme o ne a setse a itse gore se Jakobe a se rutang se boammaruri.
Jakobe a re fa Modimo a ka itaya Shereme, seo e ka nna tshupo ya thata ya Modimo.
Shereme ka ponyo ya leitlho a wela fatshe. O ne a seka a emelela malatsi a mantsi.
Shereme o ne a le bokowa mme a itse gore o ya go swa. O ne a bitsa batho mmogo.
O ne a bua gore o akile. O ne a re ba tshwanetse go dumela mo go Jeso Keresete.
Morago ga Shereme a sena go bua le batho, a swa. Batho ba utlwa thata ya Modimo, mme ba wela fa fatshe.
Batho ba simolola go ikwatlhaya le go bala dikwalo tse di boitshepo. Ba tshelela mo kagisong le lorato. Jakobe o ne a itumetse mme a itse gore Modimo o arabile dithapelo tsa gagwe.