Kgaolo 11
Enose
Enose e ne e le morwa Jakobe. O ne a tshegetsa dipapetlana mme a kwala mo go tsone morago ga loso la ga rraagwe.
Letsatsi lengwe Enose o ne a tsoma mo sekgweng. O ne a akanya ka dithuto tsa ga rraagwe mme a batla go itshwarelwa dibe.
Enose a khubama mme a rapela go Modimo. O ne a rapela letsatsi lotlhe mme o ne a santse a rapela fa bosigo bo tla.
Modimo a bolelela Enose gore ka ntlha ya tumelo ya gagwe mo go Jeso Keresete, dibe tsa gagwe di itshwaretswe.
Enose ke gone a batla gore Morena a segofatse Banefi. O ne a ba rapelela, mme Morena a re o ka ba segofatsa fa ba obamela ditaelo tsa gagwe.
Enose le gone a batla Morena a segofatsa Balamane. O ne a rapela ka tumelo e kgolo, mme Morena a solofetsa go dira se Enose a se mo kopang.
Lentswa Balamane ba lwantsha Banefi le go leka go senya ditshupo tsa bone, Enose a rapela gore ba ka nna basiami.
Enose a rapela gore ditshupo tse a di tshegeditseng di ka babalesega. Morena a solofetsa gore letsatsi lengwe o tlaa neela Balamane dithuto tse di mo ditshupong.
Enose a rerela go Banefi. O ne a batla gore ba dumele mo Modimong le go tshegetsa ditaelo.
Banefi ba leka go ruta Balamane efangele, mme ba seka ba reetsa. Balamane ba ne ba tlhoile Banefi.
Enose o feditse botshelo jwa gagwe a ruta batho ka ga Jeso le efangele. O ne a direla Modimo le go mo rata malatsi otlhe a gagwe.