Kgaolo 33
Banna ba Kgosi kgatlhanong le Bagololesegi
Bangwe ba ba Banefi ba ne ba batla moatlhodi mogolo, Phahorane, go fetola mengwe ya melao.
Fa Phahorane a gana, batho ba ne ba galefa mme ba batla go tlosa Phahorane jaaka moatlhodi mogolo. Ba ne ba batla go nna le kgosi, e seng baatlhodi.
Ba bidiwa banna ba kgosi, ba ne ba solofela fa mongwe wa bone a ka nna kgosi mme a nne le thata godimo ga batho.
Banefi ba ba neng ba batla go tshegetsa Phahorane jaaka moatlhodi mogolo ba ne ba bidiwa bagololesegi. Ba ne ba batla go gololesega go tshela le go obamela jaaka ba itshenkela.
Batho ba tlhopha gareng ga bagololesegi le banna ba kgosi. Bontsi ba tlhopha bagololesegi.
Mme ka nako eo, Amalekhiya o ne a phutha batlhabani ba ba tona ba Balamane go tlhasela Banefi.
Fa banna ba kgosi ba utlwa fa Balamane ba tla, ba ne ba kgatlhega mme ba gana go thusa go sireletsa lefatshe la bone.
Mokapoteini Moroni o ne a galefetse banna ba kgosi go sa lwe. O ne a dirile ka thata go tshegetsa Banefi ba gololesegile.
O ne a kopa mmusi thata ya go dira banna ba kgosi go lwantsha Balamane kgotsa ba bolawe.
Fa mmusi, Phahorane, a naya Moroni thata e, Moroni a gogela batlhabani ba gagwe kgatlhanong le banna ba kgosi.
Bontsi jwa banna ba kgosi ba ne ba bolawa; bangwe ba tsenngwa mo kgolegelong. Ba bangwe ba dumela go sireletsa lefatshe la bone kgatlhanong le Balamane.