«Հին Կտակարանի մասին», Հին Կտակարանի պատմություններ (2022)
«Հին Կտակարանի մասին», Հին Կտակարանի պատմություններ
Հին Կտակարանի մասին
Երկնային Հոր խոստումները Իր զավակներին շատ վաղուց
Սուրբ Աստվածաշնչի առաջին մասը Հին Կտակարանն է: Այս սուրբ գրությունը գրվել է շատ վաղուց, նույնիսկ մինչև Հիսուս Քրիստոսի ծնվելը: Այն ունի պատմություններ, որոնք օգնում են մեզ հավատ ունենալ Նրա հանդեպ: Այն մեզ ուսուցանում է, որ երկրի վրա գտնվող յուրաքանչյուր մարդ Երկնային Հոր ընտանիքի մասնիկն է, և որ Նա սիրում է Իր զավակներին:
Երկրորդ Օրինաց 7.7-9, Եսայիա 45․10-12
Հին Կտակարանում Հիսուս Քրիստոսի անունը Եհովա է և Տեր։ Նա հետևում է Երկնային Հոր ցուցումներին: Ադամի և Եվայի ժամանակներից ի վեր, Երկնային Հայրը ուղարկել է Տեր Հիսուս Քրիստոսին՝ խոսելու Իր մարգարեների հետ: Երկնային Հայրն ուղարկում է Սուրբ Հոգուն՝ օգնելու մեզ իմանալ, որ մարգարեի խոսքերը ճշմարիտ են:
Ելից 6․2–3, Բ Մնացորդաց 20․20, Ամովս 3․7, Բ Պետրոս 1․21, Մովսես 2․1
Տերը խոստացավ Աբրահամ մարգարեին և նրա կնոջը՝ Սարային, որ իրենց ընտանիքը կմեծանա և կօրհնի ամբողջ աշխարհը: Նրանց թոռը՝ Հակոբը ուներ բազմանդամ ընտանիք, որը դարձավ ազգ: Նրանք կոչվեցին Իսրայելի տուն կամ իսրայելացիներ: Մարգարեները սովորեցրին նրանց հույսով սպասել Հիսուս Քրիստոսի գալուն։
Ծննդոց 15․5-6, 17․1-8, Երկրորդ Օրինաց 18․15, Եսայիա 7․14
Հին Կտակարանի բազմաթիվ պատմություններ ցույց են տալիս, թե ինչպես է Տերը կատարել իսրայելացիներին տված Իր խոստումները:
Ծննդոց 9․13-17, Երեմիա 11․4-5, Եբրայեցիս 11․1-35
Երբ իսրայելացիները լսում էին մարգարեներին և պահում պատվիրանները, Տերը օգնում էր նրանց: Երբ նրանք չէին հնազանդվում, Նա չէր կարողանում օգնել նրանց։
Երկրորդ Օրինաց 11․26-28, Հոբ 36․11-12
Դուք Երկնային Հոր ընտանիքի անդամն եք։ Երկնային Հայրը բարի է և սիրում է ձեզ: Նա ծրագիր ունի ձեզ համար: Տեր Հիսուս Քրիստոսի շնորհիվ դուք կարող եք կրկին վերադառնալ Երկնային Հոր մոտ և ապրել Նրա հետ։ Ինչպես իսրայելացիներին էին սովորեցնում, այդպես էլ դուք կարող եք հավատալ Տիրոջը և պահել Նրա պատվիրանները: