“Hagara,” Tantara ao amin’ny Testamenta Taloha (2022)
“Hagara,” Tantara ao amin’ny Testamenta Taloha
Hagara
Ny drafitry ny Tompo ho an’ny zanany vavy
Mpanompon’i Saraha i Hagara. Antitra i Saraha ary tsy nanan-janaka. Nasainy naka vady an’i Hagara i Abrahama vadiny mba hananan’izy ireo zanaka. Nivady i Abrahama sy i Hagara, ary vetivety taorian’izay dia nitondra vohoka i Hagara.
Nanomboka tsy nifankahazo i Hagara sy i Saraha. Nisafidy ny handositra tany an-tany foana i Hagara.
Nanjary reraka mafy sy nangetaheta i Hagara tany am-pandehanany tany. Nony farany dia tonga teo amin’ny toerana iray nisy loharano izy ka naka aina teo.
Nahafantatra ny olana nianjady tamin’i Hagara ny Tompo ka dia namolavola drafitra hanampiana azy. Naniraka anjely izy mba hiangavy azy hiverina tany amin’i Abrahama sy i Saraha. Nampanantena izy fa hihamaro ny fianakavian’i Hagara. Nilaza izy fa zazalahy ilay zaza izay haterak’i Hagara ary ho ataon’i Hagara hoe Ismaela no anarany.
Natoky ny Tompo i Hagara ka dia nanaraka ny tenin’ilay anjely. Niverina tany amin’i Abrahama sy i Saraha izy. Niteraka ilay zanany lahy i Hagara, ary Ismaela no anarany. Fantatr’i Hagara fa niahy azy ny Tompo.