“Jeremia mpaminany,” Tantara ao amin’ny Testamenta Taloha (2022)
“Jeremia mpaminany,” Tantara ao amin’ny Testamenta Taloha
Jeremia mpaminany
Nantsoina talohan’ny nahaterahany
Nipetraka tao Jerosalema i Jeremia fony izy mbola kely. Indray andro dia tonga teo amin’i Jeremia ny Tompo ary niantso azy mba ho mpaminany. Nilaza tamin’i Jeremia ny Tompo fa efa voafidy ho mpaminany talohan’ny nahaterahany izy. Fantatry ny Tompo fa ho sarotra ny fiainan’i Jeremia. Kanefa nampanantena an’i Jeremia ny Tompo fa hiaraka aminy mandrakariva Izy.
Tsy nanaja ny fampanantenana nataony tamin’ny Tompo ireo vahoaka tao Jerosalema. Noho ny haratsiam-panahin’izy ireo dia nampitandrina ny olona i Jeremia fa ho lasan’olona an-keriny ny tanin’izy ireo. Nilaza ny Tompo fa raha mitandrina ny Sabata ho masina izy ireo dia tsy ho rava ny tanànan’i Jerosalema. Saingy tsy nihaino ny vahoaka.
Nampianatra ny olona nandritra ny taona maro i Jeremia. Saingy tsy nibebaka izy ireo. Naleon’izy ireo kosa nandratra sy nampiditra an’i Jeremia tao am-ponja.
Jeremia 20:2; 26:8–9; 37:15–18; 38:6
Tian’i Jeremia ireo olona tao. Nitomany noho ny fahotan’izy ireo izy. Tahaka ny voalazany mihitsy, dia rava i Jerosalema ary lasa babo an’ady ireo vahoaka.
Jeremia 9:1–8; 25:9–12; 52:1–10
Nentina tany Egypta i Jeremia. Notenenin’ny Tompo izy hanoratra ireo faminaniany. Nankatò ny Tompo i Jeremia na dia sarotra aza ny zavatra niainany. Nanohy niteny ny vahoakany izy mba hitandrina ny fanekempihavanana nataon’izy ireo tamin’ny Tompo.