“Rota sy Naomy,” Tantara ao amin’ny Testamenta Taloha (2022)
“Rota sy Naomy,” Tantara ao amin’ny Testamenta Taloha
Rota 1–4
Rota sy Naomy
Miaritra fitsapana am-pitiavana sy ao anaty tsy fivadiham-pitokisana
Nifindra tany Moaba i Naomi sy ny fianakaviany satria nisy sakafo betsaka tany amin’ny tanin’ny Joda. Avy eo dia maty ny vadin’i Naomy. Nanambady vehivavy avy tao Moaba antsoina hoe Orpa sy Rota ireo zanak’i Naomy. Nikarakara an’i Naomy izy ireo nandritra ny 10 taona.
Avy eo dia maty ny vadin’i Orpa sy ny vadin’i Rota. Irery amin’izay ireo vehivavy ireo. Tsy afaka namatsy hanina an’i Rota sy i Orpa i Naomy.
Nody i Orpa. Fa i Rota kosa naniry ny hijanona ary nikarakara an’i Naomy. Naheno i Rota sy i Naomy fa nisy vokatra indray tany amin’ny tanin’ny Joda koa dia nandeha tany izy ireo.
Tonga tao Joda i Rota sy i Naomy nandritra ny fotoam-pijinjana. Nila sakafo izy ireo. Nisy havan’i Naomy antsoina hoe Boaza nanana saha tao Joda. Navelany haka an’izay voa sisa tavela tany an-tsaha i Rota. Asa mafy izany.
Nanaja an’i Rota i Boaza satria niasa mafy izy ary satria tsy nivati-pitokiana tamin’i Naomy sy ny Tompo izy. Nilaza an’ireo mpanompo mba hamela voa misimisy kokoa tany an-tsaha izy.
Tian’i Naomy hanana fianakaviana i Rota. Namporisihiny i Rota hanambady an’i Boaza. Fantatr’i Rota fa raha nifanambady izy sy i Boaza dia afaka hiaraka hikarakara an’i Naomi izy ireo.
Nanapa-kevitra ny hangataka an’i Boaza mba hanambady azy i Rota. Fantatr’i Boaza fa vehivavy tsy mpivadi-pitokisana sy mendrika i Rota. Nanaiky izy.
Nivady i Rota sy i Boaza. Tsy ela dia nanan-janaka lahy kely izy ireo. Lasa raiben’i Davida, izay ho lasa mpanjaka, izy. Taona maro taty aoriana dia teraka tao amin’ny taranany i Jesoa Kristy.