Apeteniko

I le Feagaiga Tuai, o Sataraka, Mesako, ma Apeteniko, o ni Isaraelu talavou e toatolu, o e sa faatasi ai ma Tanielu, na aumaia i le maota o Nepukanesa, le tupu o Papelonia. O le igoa Faa-Eperu o Apeteniko, o Asaraia. Sa mumusu nei alii talavou e toafā e faaleagaina i latou lava i le aai ai i meaʼai ma le uaina a le tupu (Tani. 1). Na lafoina Sataraka, Mesako, ma Apeteniko i se ogaumu aasa e le tupu ae na faasaoina e le Alo o le Atua (Tani. 3).