Malo o Roma

O le malo o Roma anamua. I ona po o le au aposetolo, sa avea le malo o Roma ma pule sili e tasi i le lalolagi. Sa aofia ai mea uma lava i le va o le Eufirate, le Tanupe, le Raine, le Atalani, ma le toafa o Sahara. Sa avea Palesitina o se setete faalagolagoina i le 63 T.L.M., ina ua faatoilaloina e Pomapesa Ierusalema. E ui lava ina tuuina atu e tagata Roma i tagata Iutaia le tele o avanoa, ae sa ita tagata Iutaia i le pule a Roma ma sa fouvale i ai i latou i taimi uma lava.

O Paulo, o se tagatanuu o Roma, sa faaaoga e ia le gagana Eleni, o le gagana lea sa sili ona faaaogaina i le malo, e faasalalau atu ai le talalelei i le malo.