Elisaia

O se perofeta o le Feagaiga Tuai o le Malo o Isaraelu i Matu ma se fautua faatuatuaina o tupu e toatele o lena atunuu.

Sa i ai ia Elisaia se uiga agamalu ma le lotoalofa, e aunoa ma se uiga paū lea sa tulagaese ai lona matai, o Elia. O ana vavega lauiloa (2 Tu. 2–5; 8) ua faamaonia ai na maua moni e ia le mana o Elia ina ua sui o ia ia Elia i le avea ma perofeta (2 Tu. 2:9–12). Mo se faataitaiga, na faamagaloina e ia suavai o le puna oona, na ia vaeluaina suavai o le Vaitafe o Ioritana, na ia faateleina le suauu a le fafine ua oti lana tane, na ia faatuina mai se tama mai le oti, na ia faamaloloina se alii na maʼi lepela, na ia faaopeopea le toʼi i luga o le vai, ma sa ia faatauasoina tagata Suria (2 Tu. 2–6). O lana misiona na sili atu i le limasefulu tausaga i le taimi o nofoaiga a Ioramo, Ieu, Ioasasa, ma Ioasa.