Aso Mulimuli Tagai foi i le Afio Faalua mai o Iesu Keriso; Faailoga o Taimi O le taimi lea o loo tatou ola ai nei. O aso (po o le tisipenisione o taimi) aʼo lei afio mai faalua le Alii. Ou te taʼu atu ia te outou mea o le a oo ia te outou i aso mulimuli, Kene. 49:1. O le a tu mai le Faaola i luga o le lalolagi i aso e gata ai, Iopu 19:25. I aso e gata ai, o le a faatuina ai le maota o le Alii, Isai. 2:2. O ona aso e gata ai e oo mai aso faigata, 2 Timo. 3:1–7. I aso e gata ai, o le a faafitia ai e tagata faatauemu le Afio Mai Faalua, 2 Pete. 3:3–7. Ou te vavalo atu ia te outou e uiga i aso e gata ai, 2 Ni. 26:14–30. O le a faapea ona taʼua o laʼu ekalesia i aso e gata ai, O le Ekalesia a Iesu Keriso o le Au Paia o Aso e Gata Ai, MF&F 115:4. O le a afio mai Keriso i aso e gata ai, Mose 7:60.