Sa Lamanā

O se vaega o tagata i le Tusi a Mamona, o le toatele o i latou o suli o Lamana, le atalii ulumatua o Liae. Na manatu i latou ua faasesēina i latou e Nifae ma ona suli (Mosaea 10:11–17). O le taunuuga, na latou fouvale e tetee i sa Nifaē ma sa masani ona tetee i aoaoga o le talalelei. Ae ui i lea, ina ua latalata i le fanau mai o Iesu Keriso, sa talia e sa Lamanā le talalelei ma sa sili ona amiotonu nai lo sa Nifaē (Hela. 6:34–36). E luaselau tausaga talu ona asiasi mai Keriso i Amerika, sa amata ona amioleaga sa Lamanā ma sa Nifaē ma siitaua le tasi i le isi. Pe tusa o le 400 T.A., sa faaumatia atoatoa ai e sa Lamanā le atunuu o sa Nifaē.