Ioelu
O se perofeta i le laueleele o Iuta i le Feagaiga Tuai. O le vaitaimi o lona olaga e lē o mautinoa—atonu na soifua mai o ia i le vaitaimi i le va o le nofoaiga a Ioasa, a o lei oo i le 850 T.L.M., ma le toe foi mai o le ituaiga o Iuta mai le faatagataotauaina i Papelonia.
O le tusi a Ioelu
O le tusi lenei e faaautū i se valoaga na faia e Ioelu ina ua mavae ona taia le laueleele o Iuta i se lāmala matuia ma sē akerise (Ioe. 1:4–20). Sa fai atu Ioelu i le nuu e ala i le salamō o le a latou toe maua ai faamanuiaga a le Atua (Ioe. 2:12–14).
O le mataupu 1, o se valaauga lea mo se alofi sā i le maota o le Alii. O le mataupu 2, o loo faamatala mai e uiga i taua ma le faafanoga e muamua mai i le Meleniuma. O le mataupu 3 o loo tautala i aso e gata ai ma faamaonia ai o le a vātau atunuu uma lava ae peitai e iu ina afio mai le Alii i Siona.
Na taʼua e Peteru le valoaga a Ioelu e uiga i le liligi mai o le Agaga i le aso Penetekoso (Ioe. 2:28–32; Galu. 2:16–21). Na taʼua foi e le agelu o Moronae lenei lava mau ia Iosefa Samita (IS—T 1:41).