Sa lauiloa foi o le Atolaau a Ieova ma le Atolaau o le Molimau, o le Atolaau o le Feagaiga o se pusa umi faatafafā na faia i laau ae ufitia atoa i le auro. O le mea aupito leva lea ma le sili ona paia o faatusa faalelotu a Isaraelu. O le Nofoa o le Alofa lea ua avea ma ona tapuni sa taʼua o le nofoaga faalelalolagi e afio ai Ieova (Esoto 25:22). Ina ua maeʼa le fale fetafai, sa tuuina loa le atolaau i le Paia o Paia, o le nofoaga sili ona paia lea i le fale (1 Tu. 8:1–8).