Hamo Tagai foi ia Noa, le Peteriaka o le Tusi Paia I le Feagaiga Tuai, o le atalii lona tolu o Noa (Kene. 5:32; 6:10; Mose 8:12, 27). O Noa, ma ona atalii, ma o latou aiga na ulu atu i le vaa, Kene. 7:13. O Kanana, le atalii o Hamo, na fetuuina, Kene. 9:18–25. O le malo o Hamo o se malo faapeteriaka ma sa faamanuiaina e tusa ma mea o le lalolagi ma le poto ae lei faʼamanuiaina e tusa ai ma le perisitua, Ape. 1:21–27. O le avā a Hamo, o Aikupeta, o se suli o Kaino; o tama tane o lo laua afafine o Aikupeta sa nonofo i Aikupito, Ape. 1:23, 25 (Sala. 105:23; 106:21–22).