O se Aposetolo i le Feagaiga Fou. O le igoa Eperu o Paulo o Saulo, ma sa lauiloa lava o ia i lenei igoa seia oo i le amataga o lana misiona i tagata o Nuuese. Sa faasauā muamua o ia i le Ekalesia ae na liliu atu o ia i le upumoni ina ua uma ona vaai o ia i se faaaliga vaaia o Iesu Keriso. E tolu ni malaga faapitoa faafaifeautalai na faia e Paulo ma e tele ni tusi na ia tusi atu ai i le Au Paia. E sefulufa o ia tusi na ia tusia ua avea o se vaega o le Feagaiga Fou i ona po nei. Mulimuli ane sa aveina o ia o se pagota i Roma ma sa fasiotia ai, pe tusa lea o le tautotogo o le 65 T.A.