Ola Tagai foi i le Ola Faavavau; Malamalama, Malamalama o Keriso O le olaga faaletino ma le faaleagaga e mafai ona maua ona o le mana o le Atua. Ua ou tuʼuina atu i ou luma i le aso nei o le ola ma le manuia, Teu. 30:15–20. E te faailoa mai ia te aʼu le ala o le ola, Sala. 16:11. O lē mulimuli i le amiotonu e maua e ia le ola, Faata. 21:21. O lē maua lona ola e maimau ai ia te ia: a o lē faamaimau lona ola ona o aʼu e maua e ia, Mata. 10:39 (Mata. 16:25; Mare. 8:35; Luka 9:24; 17:33). E lei sau le Atalii o le Tagata e faaumatia le ola o tagata, a ia faaolaina, Luka 9:56. Sa ia te ia le ola, o le ola foi o le malamalama lea o tagata, Ioane 1:4. O lē e talitonu ia te ia na auina mai aʼu e aluese ai le oti i le ola, Ioane 5:24. O aʼu nei le ala, ma le upumoni, ma le ola, Ioane 14:6. Afai e gata i lenei olaga mea tatou te faamoemoe i ai ia Keriso, ua sili lo tatou malaia, 1 Kori. 15:19–22. O le amioatua o loo i ai le mea ua folafolaina mai i le olaga nei atoa ma lē atalī, 1 Timo. 4:8. E mafai e ā tatou fanau ona tulimataʼi i lenā olaga ua ia Keriso, 2 Ni. 25:23–27. O le olaga lenei o le taimi lea mo tagata e saunia ai e feiloai ma le Atua, Alema 34:32 (Alema 12:24). O aʼu o le malamalama ma le ola o le lalolagi, 3 Ni. 9:18 (Mosaea 16:9; 3 Ni. 11:11; Eteru 4:12). Amuia lava i latou o e ua faamaoni, pe i le olaga nei po o i le oti, MF&F 50:5. O ola e faavavau nei—ia iloa le Atua ma Iesu Keriso, MF&F 132:24. O laʼu galuega ma loʼu mamalu lenei—e aumai le tino ola pea ma le ola faavavau o le tagata, Mose 1:39.