Au Uso, Uso Tagai foi i le Tagata, O Tagata; Tuafafine I le avea ai o ni fanau a lo tatou Tamā Faalelagi, o alii ma tamaitai uma o tuagane ma tuafafine i le agaga. I le Ekalesia, o tane uma ma uō a le Ekalesia e masani ona taʼua o uso. Pe a liua mai oe, ona e faamalosi ai lea i ou uso, Luka 22:32. O se e lē alofa i le uso, o loo tumau ia i le oti, 1 Ioa. 3:10–17. Ia manatu i ō outou uso e pei o outou lava, Iako. (TM) 2:17. Ia taitasi le tagata ma manatu taua i lona uso e pei o ia lava ia te ia, MF&F 38:24–25. Ia faamalosi atu i ou uso i au talanoaga uma, MF&F 108:7.