Mataupu Faavae o le Faatuatua

O manatu autū e sefulutolu o le talitonuga ua talitonu i ai uso O Le Ekalesia a Iesu Keriso o le Au Paia o Aso e Gata Ai.

Na muai tusia e Iosefa Samita ia talitonuga i se tusi ia Ioane Wentworth, o le faatonu o le nusipepa o le Chicago Democrat [Sikako Temokarate], i le tali atu i lana talosaga i le fia iloa o mea ua talitonu i ai uso o le Ekalesia. Ua lauiloa le tusi lenei o le Tusi ia Wentworth ma sa lomia muamua i le nusipepa o le Times and Seasons ia Mati 1842. O le aso 10 Oketopa 1880, sa talia aloaia ai Mataupu Faavae o le Faatuatua o se tusitusiga paia e ala i le siiga lima a uso o le Ekalesia ma sa avea ai o se vaega o le Penina Tau Tele.