Maturo O se tasi ua tuuina atu lona ola nai lo le faafitia o Keriso, le talalelei, po o ona talitonuga amiotonu po o mataupu autū. O le toto o tagata amiotonu uma e afua ia Apelu e oo atu ia Sakaria e molia i e amioleaga, Mata. 23:35 (Luka 11:50). O lē faamaumau lona ola ona o Keriso ma le talalelei e faasaoina e ia, Mare. 8:35 (MF&F 98:13). Ua fetogia i latou ia Setefano, Galu. 7:59 (Galu. 22:20). Pe a fai se tofiga e ao ona oti le ana le tofiga, Epe. 9:16–17. Na paʼū Apinati, ina ua mafatia i le oti i le afi, Mosaea 17:20. O tagata sa Amonaeā o e na talitonu na lafoina i le afi, Alema 14:8–11. E toatele na fasiotia ona na latou molimau atu e uiga i nei mea, 3 Ni. 10:15. Ai se tasi e tuu i lalo lona ola i loʼu faamoemoe o le a maua e ia le ola e faavavau, MF&F 98:13–14. O Iosefa Samita ma Ailama Samita na avea o ni māturo i le toefuataiga o le talalelei, MF&F 135. Na faamaufaailogaina e Iosefa Samita lana molimau i lona toto, MF&F 136:39.