Ufifatafata

Ua taʼua i tusitusiga paia ituaiga e lua o ufifatafata: (1) o le vaega i luma o le ofu o le fitafita e puipuia ai po o le ofutau lea. I se uiga faatusa, e tatau i le Au Paia ona ofuina se ufifatafata o le amiotonu e puipuia ai i latou ai le leaga (Isai. 59:17; Efe. 6:14). (2) O se ofu e ofuina e le faitaulaga sili i le tulafono a Mose (Esoto 28:13–30; 39:8–21). Sa faia lea ofu i ie lino ma sa faapipii ai maa tāua e sefululua. O nisi foi taimi sa taʼua ai lenei ofu i le sootaga lea ma le Urima ma le Tumena (MF&F 17:1; IS—T 1:35, 42, 52).