Malamalama

O le faautaga lea ma le iloa o se mea, aemaise lava o le upumoni e pei ona aoaoina pe faamaonia ai e le Agaga. O le maua lea o se atamai po o le iloa o le uiga o se upumoni, e aofia ai ma lona aoga i le olaga.

Sa maua e Nifae se malamalama tele i le agalelei o le Atua, 1 Ni. 1:1.
E o mai i latou i le malamalama o lo latou Togiola, 2 Ni. 6:11.
O le a maua e e ua amiotonu se malamalama atoatoa o lo latou amiotonu, 2 Ni. 9:14.
Afai tou te lē malamalama i nei upu, e pogai ona tou te lē ole atu, 2 Ni. 32:4 (3 Ni. 17:3).
Na faasaoina talafaamaumau ina ia mafai ona tatou faitau ma malamalama ai, Mosaea 1:2–5.
Ona o lo latou lē talitonu, sa lē mafai ai ona latou malamalama i le afioga a le Atua, Mosaea 26:3.
O i latou o ni alii mafaufau lelei, Alema 17:2–3.
E tuuina mai e le Agaga le malamalama, Alema 18:35.
O le upu ua amata ona faamalamalama ai loʼu malamalamaaga, Alema 32:28.
Ua atoatoa lou malamalama i lena mea, Alema 32:34.
E toe aumai sa Lamanā i le malamalama moni o lo latou Togiola, Hela. 15:13.
E mafai ona outou iloa ma le malamalama atoatoa ua mai le Atua, Moro. 7:15–17.

Seʼi tatou talatala faatasi ina ia outou malamalama, MF&F 50:10–12, 19–23.
E tatau i matua ona aoaoina a latou fanau ia malamalama, MF&F 68:25.
O galuega ma mealilo a le Atua e naʼo le Agaga Paia e mafai ai ona malamalama i ai, MF&F 76:114–116.
E saili Satani e liliu ese loto o tagata mai le malamalama, MF&F 78:10.
O le Malamalama o Keriso e faapupulaina o tatou malamalamaaga, MF&F 88:11.
O le a maua e le Au Paia ʼoa tetele o le malamalama, MF&F 89:19.
O le malamalama manino e faalauteleina tele ai le agaga, MF&F 121:42.
O lē ua i ai ki o le perisitua paia e leai se faigata i le mauaina o le malamalama o mea moni, MF&F 128:11.
Afai e maua e se tagata le poto i le olaga lenei, e maua e ia le avanoa tele atu i le lalolagi a sau, MF&F 130:19.
E lē mafai lava ona faaolaina i le le iloa, MF&F 131:6.