Iesepela

O se fafine amioleaga i le Feagaiga Tuai mai le laueleele o Foinie. Sa avea o ia ma avā a Aapo (1 Tu. 16:30–31), o se tupu o Isaraelu na nofotupu i le taimi o le perofeta o Elia.

O le faaipoipo atu o Iesepela ia Aapo, e sili atu i se isi lava mea na tupu mai, na mafua ai le toilalo o le malo o Isaraelu i matu; na faailoa atu e Iesepela ia Isaraelu se ituaiga o ifoga i tupua e sili ona leaga mai lona laueleele ma ua sui ai tapuaiga ia Ieova (1 Tu. 18:13, 19).