Ruta
I le Feagaiga Tuai, o se tamaitai Moapi o le avā a le tama a Naomi ma Elimeleka, o ni Isaraelu. Ina ua oti lana tane, ona faaipoipo ai lea o Ruta ia Poasa o le e aiga ma Naomi. O le igoa o la laua tama o Opeta o ia lea e tupuga mai ai Tavita ma Keriso. O le tala ia Ruta o se faataitaiga matagofie lea i se tasi e lē o se Isaraelu na liliu mai i le lotoā o Isaraelu. Na lafoai e Ruta lona atua muamua ma lona olaga sa masani ai ina ia faatasi atu ma le aiga o le faatuatua i le auauna atu i le Atua o Isaraelu (Ruta 1:16).
O le tusi a Ruta
O le mataupu 1 ua faamatala mai ai le olaga o Elimeleka ma lona aiga i Moapi. Ina ua maliliu a laua tane, ona o atu ai lea o Naomi ma Ruta i Peteleema. O le mataupu 2 o loo faamatala mai ai le taetaeina e Ruta o saito na toulu i le faatoaga a Poasa. O le mataupu 3 o loo faamatala mai ai le faatonuina e Naomi o Ruta e alu atu i le mea o loo faamamā ai le saito ma taoto ai i vae o Poasa. O le mataupu 4 o le tala i le faaipoipoga a Ruta ma Poasa. Sa maua e laua se atalii, o Opeta, lea na ala mai ai le gafa o Tavita ma Keriso.