Enoka

O se perofeta na taitaia tagata o le aai o Siona. O lana misiona o loo taua i le Feagaiga Tuai ma le Penina Tau Tele. O ia o le peteriaka lona fitu mai ia Atamu. O ia o le atalii o Iareto ma le tamā o Metusela (Kene. 5:18–24; Luka 3:37).

O Enoka o se tagata tautaua ma sa ia te ia se galuega e sili atu ona tāua nai lo le tala puupuu ua tuuina mai e le Tusi Paia e uiga ia te ia. E taʼua i le Tusi Paia na liua o ia, (Epe. 11:5) ae lē o tuuina mai se tala auiliili e uiga i lana misiona. O le Iuta 1:14 o loo i ai se upusii mai se valoaga na ia faia. Aʼo faaaliga i aso e gata ai ua faamatala mai ai mea e tele e uiga ia Enoka, e faapitoa lava lea e uiga i lana talaiga, lona nuu na taʼua o Siona, ana faaaliga, ma ana valoaga (MF&F 107:48–57; Mose 6–7). Na aveina Siona i le lagi ona o le amiotonu o e na nonofo ai (Mose 7:69).