Fafine Tagai foi i le Tagata, O Tagata O se tamaitai matua, o se afafine o le Atua. O le upu Fafine e faaaoga i nisi taimi i tusitusiga paia o se suafa e faaali atu ai le faaaloalo (Ioane 19:26; Alema 19:10). Na faia e le Atua le tane ma le fafine, Kene. 1:27 (Mose 2:27; 6:9; Ape. 4:27). O le avā amiolelei e silisili lona tau i penina, Faata. 31:10–31. O le fafine e vīia ai le tane, 1 Kori. 11:7. E leai se tane pe a le o iai le fafine, e leai foi se fafine pe a le o iai le tane, i le Alii, 1 Kori. 11:11. E tatau i fafine ona teuteu ia i latou i ofu e onomea, 1 Timo. 2:9–10. O aʼu, o le Alii le Atua, ou te fiafia i le lē gaōiā o fafine, Iako. (TM) 2:28. Ua faamagaloina i au agasala, ma o oe o se tamaitai filifilia, MF&F 25. Ua i ai i fafine le āiā i luga o a latou tane mo lo latou tausiga, MF&F 83:2.