Faingataʻá Vakai foki ki he Fakatangá, Fakatangaʻí; Kātakí; Valokí, Valokiʻí; ʻAhiʻahí, ʻAhiʻahiʻí ʻE lava ʻo fakafou mai ʻi he faingataʻá—ngaahi ʻahiʻahí, ngaahi faingataʻaʻiá, mo e mamahí—ha lava ʻe he tangatá ʻo ako ha ngaahi meʻa lahi ʻa ia ʻokú ne fakatupu ʻa e tupulaki fakalaumālié mo e fakalakalaka taʻengatá ʻi heʻenau tafoki ki he ʻEikí. Ko e ʻOtuá tonu naʻá ne fakahaofi ʻa kimoutolu mei homou ngaahi faingataʻaʻiá mo e ngaahi meʻa fakamamahi kotoa pē, 1 Sam. 10:19. Naʻa nau tangi ki he ʻEikí ʻi honau ngaahi tuʻutāmakí, Same 107:6, 13, 19, 28. Neongo ʻa e ʻatu kiate koe ʻe he ʻEikí ʻa e mā ʻo e ongosiá, ka ʻe ʻikai toe ʻave hoʻo kau akonakí, ʻĪsaia 30:20–21. ʻOku totonu ke ʻi ai ha fehangahangai ʻi he meʻa kotoa pē, 2 Nīfai 2:11. Kapau ʻe ʻikai te nau maʻu ʻa e meʻa ʻoku mahí ʻe ʻikai te nau ʻiloʻi ʻa e meʻa melié, T&F 29:39. ʻE fuofuoloa siʻi pē ʻa hoʻo faingataʻaʻiá, T&F 121:7–8. ʻE foaki ʻe he ngaahi meʻá ni kotoa pē ʻa e potó kiate koe pea ʻe hoko ʻo ʻaonga ia kiate koe, T&F 122:5–8. ʻOku nau ongoʻi ʻa e meʻa mahí, koeʻuhí ke nau poto hono fakamahuʻingaʻi ʻa e leleí, Mōsese 6:55.