Ko e hilifaki ia ʻo e nima ki he ʻulu ʻo ha taha ʻi heʻene hoko ko ha konga ʻo ha ouau ʻo e lakanga fakataulaʻeikí. ʻOku lahi ha ngaahi ouau ʻo e lakanga fakataulaʻeikí ʻoku fakahoko ia ʻi he hilifaki ʻo e nimá, hangē ko e ngaahi fakanofo ki he lakanga fakataulaʻeikí; ngaahi tāpuaki, faingāue ki he mahakí, fakamaʻu ke hoko ko ha mēmipa ʻo e Siasí, mo e foaki ʻo e Laumālie Māʻoniʻoní.
Naʻe hilifaki ʻe Sīsū hono nimá ki ha kau mahaki tokosiʻi pē, ʻo fakamoʻui ʻa kinautolu, Maʻake 6:5 (Molom. 9:24 ).
Naʻe hilifaki ʻe he kau ʻaposetoló honau nimá ki he toko fitu te nau tokoniʻi kinautolú, Ngāue 6:5–6 .
Naʻe foaki ʻa e Laumālie Māʻoniʻoní ʻi he hilifaki ʻo e nima, Ngāue 8:14–17 .
Naʻe hilifaki ʻe ʻAnanaia ʻa hono nimá kia Saula ʻo fakaʻaaki hono matá, Ngāue 9:12, 17–18 .
Naʻe hilifaki ʻe Paula hono nimá kiate ia ʻo fakamoʻui ia, Ngāue 28:8 .
Naʻe akoʻi ʻe Paula ʻa e tokāteline ʻo e papitaisó mo e hilifaki ʻo e nimá, Hepelū 6:2 .
Naʻe fakanofo ʻe ʻAlamā ha kau taulaʻeiki mo ha kaumātuʻa ʻi he hilifaki ʻo e nimá, ʻAlamā 6:1 .
Naʻe foaki ʻe Sīsū ʻa e mālohi ki heʻene kau ākongá ke nau foaki ʻa e Laumālie Māʻoniʻoní ʻi he hilifaki ʻo e nima, 3 Nīfai 18:36–37 .
Ko ia te mou hilifaki ki ai homou nimá, te mou foaki ki ai ʻa e Laumālie Māʻoniʻoní, Molonai 2:2 .
Ke hilifaki ʻe he kaumātuʻá ʻa honau nimá ki he fānau īkí ʻo foaki ki ai ha tāpuaki, T&F 20:70 .
Te nau maʻu ʻa e Laumālie Māʻoniʻoní ʻi he hilifaki ʻo e nimá, T&F 35:6 (TT 1:4 ).
ʻE hilifaki ʻe he kaumātuʻá ʻa honau nimá ki he mahakí, T&F 42:44 (T&F 66:9 ).
ʻE maʻu ʻa e hilifaki ʻo e nimá ʻe he fānaú ʻo ka hili ʻa e papitaisó, T&F 68:27 .
ʻOku maʻu ʻa e lakanga fakataulaʻeikí ʻi he hilifaki ʻo e nima, T&F 84:6–16 .