ʻĪnoke

Ko ha palōfita naʻá ne tataki ʻa e kakai ʻo e kolo ko Saioné. ʻOku fakamatalaʻi ʻa ʻene ngaahi ngāué ʻi he Fuakava Motuʻá mo e Mataʻitofe Mahuʻingá fakatouʻosi. Ko e pēteliake ia hono fitu meia ʻĀtama. Ko e foha ia ʻo Sēleti pea ko e tamai ia ʻa Mētuselá (Sēnesi 5:18–24; Luke 3:37).

Ko ha tangata ʻiloa ʻa ʻĪnoke pea naʻe mahuʻinga ange ʻa ʻene ngāué ʻi he meʻa ʻoku hā mai ʻi he kiʻi fakamatala nounou ʻi he Tohi Tapú. ʻOku pehē ʻi he Tohi Tapú naʻe liliu ia (Hepelū 11:5) ka naʻe ʻikai ha ngaahi fakamatala fakaikiiki ʻo kau ki heʻene ngāue fakafaifekaú. ʻOku ʻi he Sute 1:14 ha fakamatala ʻo kau ki ha kikite naʻá ne fai. ʻOku lahi ange hano fakamatalaʻi ʻi he fakahā ʻi he Ngaahi ʻAho Kimui Ní ʻo kau kia ʻĪnoke, kae tautautefito ki heʻene ngaahi malanga ʻi hono kolo naʻe ui ko Saioné, ko ʻene ngaahi mata meʻa-hā-maí mo ʻene ngaahi kikité (T&F 107:48–57; Mōsese 6–7). Naʻe ʻo hake ʻa Saione ki he langí koeʻuhi ko e māʻoniʻoni ʻa e kakaí naʻe nofo ʻi aí (Mōsese 7:69).