ʻOku ʻuhinga ia ki he faʻahinga kotoa ʻo e tangatá, ʻa e tangata mo e fefine. Ko e fānau fakalaumālie ʻa e Tamai Fakahēvaní ʻa e tangata mo e fefine kotoa pē. Ko e taimi ko ia ʻoku fanauʻi mai ai kinautolu ki he moʻui fakamatelié, ʻoku nau maʻu ai ha sino fakakakano mo fakamatelie. Naʻe fakatupu ʻa e ngaahi sino ko iá ʻi he tatau ʻo e ʻOtuá (Sēnesi 1:26–27 ). Ko e tangata mo e fefine ko ia ʻe tui faivelenga ʻi hono maʻu ʻo e ngaahi ouau kotoa ʻoku fie maʻu ke nau maʻu, mo tauhi ʻenau ngaahi fuakavá, pea talangofua ki he ngaahi fekau ʻa e ʻOtuá te nau hū atu ki honau hakeakiʻí pea nau hoko ʻo tatau mo e ʻOtuá.
ʻOku ʻi ai ʻa e faʻahinga ʻo e tangatá koeʻuhi ke nau maʻu ʻa e fiefiá, 2 Nīfai 2:25 .
Ko e tangata fakakakano ko e fili ia ki he ʻOtuá, Mōsaia 3:19 .
Ko e hā ʻa e anga ʻoku taau mo kimoutolú? 3 Nīfai 27:27 .
ʻOku ʻikai ko e ngāue ʻa e ʻOtuá ʻoku taʻofí, ka ko e ngāue ʻa e tangatá, T&F 3:3 .
Naʻe ʻikai totonu ke ke manavahē ki he tangatá ʻo lahi ange ʻi he ʻOtuá, T&F 3:7 (T&F 30:11 ; 122:9 ).
Kuo ngaohi ʻa e ngaahi meʻa kotoa pē ke ʻaonga pea fakaʻaongaʻi ʻe he faʻahinga ʻo e tangatá, T&F 59:18 .
ʻOku ou ʻilo ai ko e meʻa noa pē ʻa e tangatá, Mōsese 1:10 .
Ko e ngāue mo e nāunau ʻo e ʻOtuá ke fakahoko ʻa e moʻui taʻemate mo e moʻui taʻengata ʻa e tangatá, Mōsese 1:39 .
Ko e tangatá, ko ha fānau fakalaumālie ia ʻa e Tamai Fakahēvaní
Naʻá na tō ki hona matá, ʻo na pehē, ʻE ʻOtua, ko e ʻOtua ʻo e laumālie ʻo e kakai kotoa pē, Nōmipa 16:22 (Nōmipa 27:16 ).
Ko e fānau ʻa kimoutolu ʻa Sihova ko homou ʻOtuá, Teut. 14:1 .
Ko e ngaahi ʻotua ʻa kimoutolu, pea ko e fānau ʻa e Fungani Māʻolungá, Same 82:6 .
Ko e ngaahi foha ʻa kimoutolu ʻo e ʻOtua moʻui, Hōsea 1:10 .
ʻIkai ʻoku tau tamai taha pē, ʻikai ko e ʻOtua pē taha kuó ne ngaohi ʻa kitautolú? Malakai 2:10 .
Ko e hako ʻo e ʻOtua ʻa kitautolu, Ngāue 17:29 .
ʻOku fakamoʻoni ʻe he laumālié ko e fānau ʻa e ʻOtua ʻa kitautolu, Loma 8:16 .
Fakavaivai ki he Tamai ʻo e ngaahi laumālié, Hepelū 12:9 .
Ko hono kakai ʻo iá ko e ngaahi foha mo e ngaahi ʻofefine kuo fakatupu ki he ʻOtuá, T&F 76:24 .
Naʻe ʻi he kamataʻangá foki ʻa e tangatá mo e ʻOtuá, T&F 93:23, 29 .
Naʻe fakatupu fakalaumālie ʻe he ʻOtuá ʻa e tangata kotoa pē, ʻoku teʻeki ai ke ʻi ai ha tangata ʻi he māmaní, Mōsese 3:5–7 .
Ko e ʻOtuá au; naʻá ku fakatupu ʻa e māmaní, mo e tangatá ʻi he teʻeki ai ke nau ʻi he kakanó, Mōsese 6:51 .
Ko e tangatá, ʻokú ne ʻi he tuʻunga ke ne lava ʻo hoko ʻo hangē ko e Tamai Fakahēvaní
Ke haohaoa ʻa kimoutolu he ʻoku haohaoa ʻa hoʻomou Tamai ʻoku ʻi he langí, Mātiu 5:48 (3 Nīfai 12:48 ).
ʻIkai kuo tohi ʻi hoʻomou fonó ko e ngaahi ʻotua ʻa kimoutolu? Sione 10:34 (T&F 76:58 ).
Ko e kau hoko ki he ʻOtua, pea ko e kau hoko fakataha mo Kalaisi, Loma 8:17 .
Ko e foha koe, pea kapau ko e foha, ko e foha hoko ʻo e ʻOtuá ʻia Kalaisi, Kalētia 4:7 .
ʻO ka hā mai ia te tau tatau pē mo ia, 1 Sione 3:2 .
Ko ia ia ʻe ikuná te u foaki ki ai ke nofo mo au ʻi hoku nofoʻa fakaʻeiʻeikí, Fakahā 3:21 .
Ko kinautolu te nau maʻu ʻa e nāunau fakasilesitialé, ʻio ko e ngaahi foha ʻo e ʻOtuá, T&F 76:50, 58 .
Pea te na hoko leva ko e ongo ʻotua, koeʻuhí he ʻokú na maʻu ʻa e mālohi kotoa pē, T&F 132:20 .