Sākalamēnití

ʻOku lau ʻe he Kau Māʻoniʻoni ʻi he Ngaahi ʻAho Kimui Ní, ʻoku ʻuhinga ʻa e sākalamēnití ki he ouau ʻo hono maʻu ʻo e maá mo e vaí ʻi he fakamanatu ki he feilaulau fakalelei ʻa Kalaisí. ʻOku hanga ʻe ha mā kuo pakipakí ʻo fakafofongaʻi ʻa hono sino kuo maumaú; pea fakafofongaʻi ʻe he vaí ʻa e taʻataʻa naʻe lilingi ke fakaleleiʻi ʻetau ngaahi angahalá (1 Kol. 11:23–25; T&F 27:2). Ko e taimi ko ia ʻoku toʻo ai ʻe he kāingalotu ʻoku feʻunga mo tāú ʻa e sākalamēnití ʻoku nau palōmesi ai ke nau toʻo kiate kinautolu ʻa e huafa ʻo Kalaisí, pea manatu maʻu ai pē kiate ia, pea mo tauhi ʻene ngaahi fekaú. ʻOku hanga ʻe he kāingalotu ʻo e Siasí ʻo fakafoʻou ʻi he ouaú ni ʻa ʻenau ngaahi fuakava naʻe fai ʻi he papitaisó.

Naʻe hanga ʻe Sīsū ʻo fakamahinoʻi ange ʻi he ʻOhomohe Fakaʻosí ʻa e ouau ʻo e sākalamēnití ʻi heʻene kai fakataha mo e kau ʻAposetolo ʻe Toko Hongofulu Mā Uá (Mātiu 26:17–28; Luke 22:1–20).