Ko e tokotaha ʻokú ne fakahaofi. Naʻe foaki mai ʻe Sīsū Kalaisi ʻi heʻene fakaleleí ʻa e huhuʻi mo e fakamoʻui ki he faʻahinga kotoa ʻo e tangatá. Ko e “Fakamoʻuí” ko ha huafa ia ʻo Sīsū Kalaisi.
Ui hono huafá ko Sīsū ko ia te ne fakamoʻui hono kakaí mei heʻenau ngaahi angahalá, Mātiu 1:21 .
He kuo ʻaloʻi kiate kimoutolu ʻi he ʻahó ni ha Fakamoʻui, ʻa ia ko Kalaisi ko e ʻEikí, Luke 2:11 .
Naʻe ʻofa pehē ʻa e ʻOtuá ki māmani naʻá ne foaki hono ʻAlo pē Taha Naʻe Fakatupú ke fakamoʻui ʻa e tangatá, Sione 3:16–17 .
ʻOku ʻikai mo ha toe hingoa kehe mei he huafa ʻo Sīsū Kalaisí ʻa ia ʻe lava ʻo fakamoʻui ai ʻa e tangatá, Ngāue 4:10–12 (2 Nīfai 25:20 ; Mōsaia 3:17 ; 5:8 ; T&F 18:23 ; Mōsese 6:52 ).
ʻOku tau ʻamanaki mei he langí ʻa e Fakamoʻui ko e ʻEiki ko Sīsū Kalaisí, Filipai 3:20 .
Kuo fekau ʻe he Tamaí ʻa e ʻAló ko e fakamoʻui ki he māmaní, 1 Sione 4:14 .
ʻE fokotuʻu hake ʻe he ʻEikí ha Mīsaia, ko ha Fakamoʻui ʻo e māmaní, 1 Nīfai 10:4 .
Ko e Lami ʻa e ʻOtuá ko e Fakamoʻui ia ʻo e māmaní, 1 Nīfai 13:40 .
ʻE mafola ai ʻa e ʻilo ki he Fakamoʻuí ʻi he puleʻanga, mo e faʻahinga, mo e lea, mo e kakai, Mōsaia 3:20 .
Kuo pau ke pekia ʻa Kalaisi koeʻuhi ke hoko mai ʻa e fakamoʻuí, Hilam. 14:15–16 .
Ko e fakatonuhia mo e fakamāʻoniʻoniʻi ʻi he Fakamoʻui ʻoku totonu mo moʻoni ia, T&F 20:30–31 .
Ko au Sīsū Kalaisi ko e Fakamoʻui ʻo e māmaní, T&F 43:34 .
Ko hoku ʻAlo pē Taha naʻe Fakatupú ʻa e Fakamoʻuí, Mōsese 1:6 .
Ko kinautolu kotoa pē ʻe tui ki he ʻAló, pea fakatomala mei heʻenau ngaahi angahalá, ʻe fakamoʻui ʻa kinautolu, Mōsese 5:15 .