Ko e ongoʻi ia ʻi loto ʻa e meʻa ʻoku totonú mo e meʻa ʻoku halá, pea ʻoku haʻu ia mei he Maama ʻo Kalaisí ʻa ia ʻoku ʻi he tangata kotoa pē (Molonai 7:16). ʻOku fanauʻi mai ʻa kitautolu mo e mālohi fakanatula ke tau lava ʻo ʻiloʻi hono faikehekehe ʻo e meʻa ʻoku totonú mo e meʻa ʻoku halá tuʻunga ʻi he Maama ʻo Kalaisí ʻa ia kuo foaki ki he tokotaha kotoa pē (T&F 84:46). ʻOku ui ʻa e ivi ko ʻení ko e konisēnisí. ʻOku hanga ʻe heʻetau maʻu iá ʻo ngaohi kitautolu ke tau hoko ko e kakai mateakiʻi fatongia. ʻOku hangē pē ʻa hotau konisēnisí ko e ngaahi ivi pe ngaahi poto kehé, ʻoku tāmateʻi ia tuʻunga ʻi he fai angahalá pe ko hono fakaʻaongaʻi halá.