ʻE hāʻele mai ʻa Kalaisi ki he māmaní ʻi he kamataʻanga ʻo e Nofo Tuʻí. ʻOku hanga ʻe he meʻá ni ʻo fakaʻilongaʻi ʻa e ngataʻanga ʻo e nofo ʻahiʻahi ʻi he moʻui fakamatelie ʻi he māmani ko ʻení. ʻE toʻo ʻa e kau fai angahalá mei he māmaní pea ʻe toʻo hake ʻa e kau māʻoniʻoní ʻi ha ʻao lolotonga hono fakamaʻa ʻa e māmaní. Neongo ʻoku ʻikai ʻiloʻi pau ʻe ha tangata ʻa e taimi ʻe hāʻele mai ai ʻa Kalaisi ko hono tuʻo uá, ka kuó ne ʻosi fakahā mai ʻa e ngaahi fakaʻilonga ke tau vakai ki ai he ʻoku fakamahinoʻi mai ai ʻa e fakaofi mai ʻa e taimi ko iá (Mātiu 24; SS—M 1).